Son un ex operatore dea terra

Categoria: I vostri commenti

Al blog da “El panegasser” 30.12. Sarò anca campagnol pi modernamente, ex operatore di terra, ma sto predicar adess

“coesione” semo tutti italiani e andemo al fronte tutti insieme, me fa un serto senso e me move la memoria. A voialtri no? Fin a ieri i me ex amici de sinistra i ghe ne ha dita de tutti i coeori aea destra dentro el paese e fora: ridè e avè massa fiducia, meio esser tristi come “noi” e pianser no? Ve andea ben Tremonti al posto de Berlusconi parchè el gera un “che savea e che l’avea credito all’estero”. Adess tutti par Monti ma no proprio par tut quel che fa o el dis, mancherie altro parchè se no perdemo i voti di chi sta pi a sinistra de noialtri e aora addio possibilità de andar al governo coi voti. Ma intant se ha vert la gara per andar a far el Presidente dea Repubblica, par una legge elletoral che se possa far i governi futuri come una volta: i dura un anno cosi satu quanti che i pol far i ministri ! Intant me par che Alfano el sia sparì e cussi addio congresso PDL. Ma dove ei e cossa pensei dea situasion il PDL e Lega de San Piero? Bon anno a tutti de destra e sinistra e padani