San Pietro; la Lega e PDL in attesa di…

• 

Dettagli

Categoria: Firme

Lè da dirlo: se te vol saver qualcossa sua Lega bisogna leser  el blog de simofin

e no quel de Tondato e Accomando. Capisso anca mi che le robe le è complesse come che lè sempre success quando un partito cambia la dirigensa. No me maraveia leser che la Rosi Mauro non la ha ricevù nessun atto giudisiario quando parea che da ea fosse dipesa la crisi leghista. Bossi el diss che el casin giudisiario lè partì dall’interno. Ma fatti loro. El problema lè che no se sa con che corrente lè la Lega de San Piero e el so futuro. El sito de Tondato e Accomando lè fermo da tanti dì. Sarie ora de saver la poitica futura che i intende far. De serto che la Lega possa arrivar a aver la maggioransa ae prossime elesion la è tramontada e la protesta cussi come che i la ha fatta fin dess i la fa meio i grillini. Vista con un ocio me dispiase e resta sol la conosenza e la professionalità de Tondato che no le basta par far poitica. No la và meio par Bonaldo e el so PDL. Sarie da criticar tant l’ultimo numero del ultimo notisiario. Me giro dall’altra parte e me fermo sol al fatto che l’articoeo del giovane sulla nomina del Direttivo Provinciale PDL vegnuda in febbraio el podea  dir cosa che i ha fat da febbraio a giugno. Ma forse no i ha fat gnent in 4 mesi. Come el PDL a San Piero. Sbaglio: la notisia dopo tant, lè una riunion (vera?) del Direttivo! El Panegasser, 5.7.2012