- P.A.T. e voialtri coneglianesi rompi bae
- Dettagli
- Categoria: Firme
Se vede che vegnè da un altro mondo. Non ve sé accorti che quassù no lè nessun
che vol risciar a vardar massa in là. Semo un paese de tradision contadina abituadi a star a casa nostra e vardar con sospetto chi se ferma a parlar, salvo che sia el prete. Ne piase sburattarse fra noialtri, in pace. Avemo segui el progresso buttando via le stae ma par el resto va ben cussì. Qua se se parla sol fra chi la pensa aea stessa maniera. La Botteon là avù el merito de romper i progetti di chi i voea ciaparse tut in nome del dio paeanca, ciamando a raccolta el vecio sanpiero fiero e tradisional. Anca mi. Campoccia, che adess el sta mal e che saeudo se el lese sto giornal, el podea forse far de pì dea Maria Assunta nel rinfrescar i rapporti e la mentaità dei paesani e de serto là avù tanti consensi. La Tosata là portà e continua con Loris a portar scompiglio da che altra parte, in italian “assorbendola” (beissimo!) che la credea de poder metter insieme Tondato e el sempre presente Ermes, ghe manca sempre do voti par vincer, e ciapar i voti del Campoccia pì altri. I do che sa tut, i ha utiiza la inteigenza par farse la guerra ae spae un de che altro e i ha pers l’occasion. Lè restà compatto e lo sarà par un bel toc, la parte dea Botteon. Parte che la sa che la tera, i camp no i vien rusen anca se i sta fora ai piova e no i va in serca de avventure. Coa poitica semo sempre stati drio a qualche dun pensando sol de ministrar. Tut questo par dir che la Civica Botteon Dalto amministrerà el comun sensa scampar un poc pì avanti e che sui vostri 4 punti par el PAT i dirà, ammesso che i ve ciape in considerasion, si…. ma… Magari par darve rason fra 5/10 anni. No ve sé accorti che anca l’opposision tase, gnent idee, ministra co gnent de poitica e la è o ghe toca, esser d’accordo con la maggioransa e la sta sue generai, salvo el smarcarse sue monade e tasendo su chealtre ? almanco fin che Loris non presenta el Piano dei Interventi. Gli unici che rompè le bae sé voialtri, Mi son pì d’accordo co voialtri, El Panegasser 29.3.2012